Nabendisyonan iti Sugpon Birthing Clinic idi Marso 18 kalpasan iti parada iti panagpiesta ti ili babaen ti panangidaulo ni Rev. Fr. Melchor Q. Reonal, kura paruko ti parokia ni San Antonio de Padua, kalpasanna ket isu met laeng iti pannakainagurar na babaen ken Congressman Eric D. Singson iti 2nd District ti Ilocos Sur.

Kasta met iti ama ti ili Mayor Fernando C. Quiton, Sr., Vice Mayor Daniel C. Laño, Jr., dagiti kameng iti Sangguniang Bayan, dagiti bisita da Dr. Benito Arca, Assistant Director iti DOH Region I, ken Engr. Rodolfo C. Dion, District Engineer, DPWH, Candon, Ilocos Sur.

Daytoy nga proyekto ket napunduan babaen iti Health Facility Enhancement Program (HFEP) iti Department of Health, Regional Office 1 para iti Philheath Accreditation tapno mapapintas iti kalidad iti panaganak ken iti panakagun-od iti makunkuna nga Millennium Development Goal nga isu iti panakapabassit iti child mortality ken tapno mapasayaat iti salun-at dagiti babbai nga agsikog wenno aganak, nga daytoy ket manamnama nga magun-od iti tawen 2015.