Latest Bloggers

The Editor
17 post(s)

The Editor has not set their biography yet

Danny Antalan
1 post(s)

Danny Antalan has not set their biography yet

Super User
8 post(s)
Super User has not set their biography yet

Naaramid ti umuna a panakaiwaras ti bukel iti mais, Conventional F1 Hybrid Variety manipud Vietnam nga napanaganan ti local nga nagan babaen ti nagan ti agdama nga gobernador Hon. Ryan Luis V. Singson ket napanaganan ti “Ryan Corn” idi October, 2013 sadiay Kapitolyo, siudad ti Vigan.

Naawat ti 10.8 nga sako ti mais babaen dagiti taga Municipal Agriculture Office ken Hon Mayor Fernando C. Quiton, Sr. Nagbi-bingayan daytoy nga bin-i iti 108 nga agmulmula iti mais kada dua (2) nga kilo ti maysa. Idi Marso 30, 2014 naibasar iti listaan ti agmulmula iti mais ken kalawa iti mamulmulaan nga inpasa iti tunggal barangay, inyawat manen ti kapitolyo ti 125 nga sinako ti mais ( 10 kilos/sako) iti Municipal Agriculture Office, babaen kada Abraham Dangle a mangibagi kadagiti mannalon, ken Hon. SBM Rene Crisanto Lubrin.

Iti kaaldawan ti fiesta (Marso 19)ti ili ti Sugpon naisangpet ti 767 nga sako ti abono(T-14) ken makinarya nga kasapulan iti panagtalon. Ti abono ket naiwaras iti tunggal barangay, ken kasta met nga iti Brgy. Poblacion ken Pangotan ti naikkan kadagiti makinarya. Dagitoy nga pagsayaatan dagiti mannalon ket naiwaras babaen ken Bise Gobernador, Hon. Deogracias Victor “DV” Savellano nga binayabay dagiti opisyales ti ili ti Sugpon. Manipud met ti opisina ni Congressman Eric D. Singson nabunag ti 731 nga sako ti abono nga ammonium sulfate (21-0-0-5).

Naiwaras met dagitoy nga ganagan ti kada barangay idi Enero 24, 2014 babaen kada Bokal Jaime Singson, Mrs. Celia Mendoza, Mr. Ernesto Calindas, ken ti grupo ti City Agriculture Office ti Candon. Manamnama ngarud nga dagitoy nga pagsayaatan nga naipay kadagiti mannalon iti ili ket mausar tapno umado met laeng iti apit nga agserbi met laeng kadagiti umili.