Latest Bloggers

The Editor
17 post(s)

The Editor has not set their biography yet

Danny Antalan
1 post(s)

Danny Antalan has not set their biography yet

Super User
8 post(s)
Super User has not set their biography yet

Iti met bigat ti Marso 18 ket isu ti naan-anay nga panakaiproklama ti panagpiesta ti ili babaen ti Executive Chairman Sugpon Town Fiesta 2014, Mr. Virgilio B. Abaag nga narugian iti panagparada ti uneg ti Brgy. Poblacion, kasta met nga nalukatan ti Agri-Trade Fair Exhibit babaen ken Congressman Eric D. Singson ti 2nd District,nga isu met laeng ti nangidaulo iti pannaka bendisyon ti Birthing Clinic ti ili, kaduana ni Dr. Benito Arca ARD, DOH, ti Kura Paroko ti San Antonio De Padua, Rev. Fr. Melchor Q. Reonal, ken ti ama ti ili kasta met ti kameng ti Sangguniang Bayan.

Iti malem ti nasao met laeng nga aldaw ket napasamak ti Dance Showdown Competition nga isu ti nagbabalubalan ti lima nga eskwelaan ti elementarya , nga nangiyalatan ti Banga Elementary School ti umuna nga gungguna, sinaruno ti Nagawa Elementary School, maikatlo ti Pangotan Elementary School, Danac Elementary School ken Sugpon Central School.

Iti rabii ket isu ti panakabalangat da Ari Vincent Iddo I ken Reyna Novielyn Sicmaten I, kaduada dagiti umuna nga Prinsipe Henry Big-asan ken Prinsesa Helena Sandra Cuyapen kasta met kada maikadwa a Prinsipe Ariel Daketan ken Prinsesa Maria Romela Bulagsay, nga isuda iti nangituray iti daytoy nga tawen nga panagpiesta ti ili a Sugpon. Iti daytoy met laeng nga rabii ket isu ti isasarungkar ti adopted son of Sugpon , Hon. SPM Atty. Pablito F. Sanidad, Jr. kasta met ni Hon. Mar Ruel Sumabat, Mayor ti Alilem. Iti bigat ti Marso 19 ket isu ti panakapasamak ti Folk Dance Competition babaen kadagiti agad-adal iti elementary ken Dance Showdown ti sekondarya.

Iti rabii ket isu ti coronation night ti Saniata ti Agtutubo 2014, a dimar-ayan da Hon. Vice Gov. Deogracias “DV” Savellano ken Hon. SPM Jaime Singson nga ti nangabak ket isunto ti maipatulod nga kas kandidata ti ili a Sugpon ti tinawen nga mapaspasamak nga Kannawidan Festival . Daytoy nga panagpiesta ket saan nga nagapuanan no saan met laeng nga iti panagtitinnulong dagiti umili ken panangikumitda ti bukod da nga oras ken panagsakripisyo tapno napinpintas met laeng ti itedna nga resulta. Agyamantayo kadagiti umili, kadagiti bisbisita nga immay dimmar-ay, ken kadagiti kameng ti Town Fiesta 2014 Executive Committee.

Agbiag tayo amin...Agbiag ti ili a Sugpon…...SIGE SUGPON….